Drejtues te Bashkise se Tiranës prezantuan sot punën dhe arritjet e bashkisë përgjatë një viti.
Nënkryetarja e Bashkisë, Brunilda Paskali, e cilësoi vitin e parë të punës bazë për 3 vitet e tjera, duke theksuar se tanimë shërbimet që bashkia ofron janë më cilësore.
“Kemi bërë një sërë ndryshimesh me pakëtën fiskale, duke u ardhur në ndihmë sipërmarrjeve të reja. Ndërrmarjet e mesme e të vogla janë frymemarrja e shqiptarëve. Janë këto biznese që sjellin zhvillimin e vendit, ndaj ne do t’i mbeshtesim ne vijim te punes sone”, tha Paskali.
Sipas saj, financimi i ideve të të rinjve nga bashkia e Tiranës është një nga zgjidhjet me të rëndësishme që bashkia po bën, ndërkohë që theksoi se mbështetje të madhe bashkia do të japë edhe për gratë e vajzat në zonat rurale që duan të jenè sipërmarrëse.
Për nënkryetarin Arbër Mazniku, bashkia po punon për një kryeqytet më të jetueshëm. “Tirana më shumë se për të menduar zgjidhjet ka nevojë për të dhënë zgjidhje. Në fund të muajit gusht do të mbyllen punimet e unazës së vogël. Ndërsa punimet për sheshin Skënderbej do të fillonjë për dy jave dhe gjatë vitit do shohim sesi do të transformohet si qender jo vetëm e Tiranës, por edhe të të gjithë shqiptarëve.
Për Abaz Hadon, nënkryetar i bashkisë, përveç zgjidhjeve teknike që bashkia ka bërë, puna me njerëzit është e rëndësishme. Ai vlerësoi aleancën e grave në keshillin bashkiak, ndihmat ndaj komunitetit rom si shumë të vlefshme.
“Ditët e fundit të fushatës ishim në Kombinat më thanë na sill vetëm një kamion me cakull dhe me ne je në rregull. Aty mësova dhe sa poshtë kishin rënë pritshmërisë
E takova prap më pas dhe tha tani pas çakullit na është hap oreksi për një kënd lojrash. Kur filluan ditët tona të para u desh të zgjedhim disa nga projektet kryesore filluam nga Dritan Hoxha meqë është hyrja e qytetit. Tani qytetarët thonë: Po punohet e ka kthyer Bashkinë në krye të qytetit dhe ky është një kompliment shumë i mirë për ne.
Treguam se jemi të fokusuar tek ajo që kemi për detyrë.”-tha Veliaj.
Kryetari i Bashkisë së Tiranës, Erion Veliaj, e mori zyrtarisht postin e tij në 30 korrik të vitit 2015. Bashkia e Tiranës ka nisur fillimisht punën me rehabilitimin e cerdheve dhe kopshteve, më ndërhyrjen në infrastrukturë. Këtë vit buxheti për bashkinë e Tiranës është dyfishuar krahasuar me vitin e kaluar. Ndërkohë që akualisht është duke u punuar për përfundimin e unazës së vogel, për të zgjidhur çështjen e trafikur në qendër të Tiranës, si dhe pas dy javësh nisin punimet për projektin e sheshit “Skëndërbej”.
