Organi i akuzës kërkon një vit burg për ish-ministrin e Arsimit Myqerem Tafaj. Ky i fundit akuzohet për shpërdorim detyre për akreditimin e një universiteti në mënyrë të paligjshme. Pretenca e prokurorisë është dhënë sot në seancë gjyqësore.
Më 21 Shkurt, Gjykata e Lartë mbylli shqyrtimin gjyqësor për ish-ministrin Myqyrem Tafajn, i akuzuar për shpërdorim detyre.
Pasi organi i akuzës i komunikoi akuzën, ish-ministri i Arsimit disa muaj më parë ka reaguar duke sqaruar se “çdo vendimmarrje për hapje programesh studimi është bërë sipas kompetencave që i jep ministrit Kushtetuta e Republikës, Kodi i Procedurave Administrative, ligji i veçantë, aktet nënligjore, si dhe sipas procedurave administrative në fuqi” raporton Panorama.
Sipas tij, “nuk mund të pranoj fushata apo vendime për ‘prerje kokash’ për hir të luftës politike të qeverisë ndaj opozitës, apo thjesht për hir të statistikave. Besoj se gjykata do ta gjykojë këtë çështje në mënyrë të pavaruar dhe të drejtë, sepse jam i sigurtë në pafajësinë time”.
Balla: Prandaj Saliu dha urdhër që sot parlamenti të bllokohej
Deputeti i PS Taulant Balla shkruan ne rrejtin social se arsyeja se perse Berisha urdheroi deputetet e opozites qe te bllokonin sot parlamentin, ishte pikerisht frika ndaj ish ministrit te tij.
Ja pse Saliu ishte sot shume i shqetesuar. Ja pse urdheroi deputetet e tij t’i binin foltores dhe tavolinave. Ja pse Saliu ka mbledhur tani me urgjence Grupin te SHQUPI.
Sot Prokuroria e gjeti fajtor Ministrin e Arsimit te qeverise se vjeter te Sali Berishes per mashtrimin e 1869 studenteve, duke i shkaktuar familjeve te tyre nje dem prej 1 milione Eurosh. Prokuria kerkon 1 vit burg per kete ish-minister te Sali Berishes.
Sali Berisha me Myqerem Tafajn dhe me pare me Genc Pollon licensuan vitrinat dhe kristalinat, duke e cuar arsimin e larte në pikën ku kishte kontrata të tipit: “Dhuron një makinë dhe fiton një bursë trevjeçare universitare”, “Dhuron 800 litra naftë, kontratë e hapur për tre vite dhe përfiton katër bursa studimi trevjeçare ose shërbime të tjera”, “Dhuron 17 kompjutera dhe përfiton 6 bursa studimi trevjeçare”, “Dhuron punime të ndryshme në duralumin…”. Ky është arsimi juaj i lartë? “Materiale të ndryshme në dru dhe përfiton katër bursa studimi”, “Dhuron dy ton tallash në këmbim të dy bursave trevjeçare për titull shkencor”. A e kuptoni tani që kur vini këtu dhe flisni sikur keni ardhur nga qielli dukeni komplet qesharakë apo jo? “Dhuron raki rrushi, mollë dhe verë dhe përfiton bursë studimi trevjeçare me të drejtë të së dytës në bazë të sasisë së rrushit, mollës dhe verës”. E kuptoni se çfarë vreshtash dhe çfarë lloj distilerish keni vënë në lëvizje ju për të dhënë bursa apo jo? “Dhuron një makinë Volkswagen dhe një Chevrolet të përdorur, dhe të dy bashkë marrin nga dy bursa tre vjeçare”, “Dhuron 20 sedilje furgoni..”, – po këto sediljet, çfarë janë këto? “si dhe sistem të brendshëm fugoni”, – fugonin vetë nuk e dhuron, por këto të gjitha i dhuron, “dhe përfiton dy bursa dy vjeçare”.
