Spitali Memorial i Fierit është i pari që aplikoi autonominë spitalore. Për periudhën gati 1 vjeçare të aplikimit të autonomisë menaxheriale në spitalin e Fierit janë kryer mbi 800 konsulta me mjekun, jashtë orarit zyrtar të punës.
“Aktualisht ne këtë e implementuam dhe zbatuam në fund të muajit shkurtë 2024, dhe deri më 31 dhjetor kemi mbi 800 konsulta të realizuara në praktikën e dyfishtë. Për 800 konsultat pacientët kanë paguar nga 3 mijë lek të rinjë, nga ku 30% i kanë kaluar mjekut dhe 70% spitalit, i cili do i përdorë për riinvestim, qoftë në mirëmbajtje të infrastrukturës, paisjeve apo në shtimin e shërbimeve të reja,”- u shpreh Rudina Dëgjoni.
Në një intervistë për Abc neës drejtoresha e spitalit Memorial Fier Rudina Degjoni tha se 14 mjeke specialist, jo vetem nga spitali memorial, janë pjesë e praktikës së dyfishtë
“14 mjek janë bërë pjesë. Në fillim nuk kishte një numër shumë i lartë, u nis me 1-2 dhe sot janë 14 mjek specialistë, të cilët e ushtrojnë praktikën e dyfishtë dhe më duhet të theksoj që përveç mjekëve të brendshëm të spitalit, ka edhe mjek specialistë të spitaleve të tjera të cilët me dëshirë duan ta ushtrojnë praktinë e dyfishtë.”
Ne tre vite te ekzistences se ketij spitali, 200 mije paciente kryesisht nga jugu i vendit kane marre aty rreth 1 milionë shërbime mjekesore.
Pas autonomisë menaxheriale, gjatë vitit 2025 spitali Memorial i Fierit pritet të aplikojë edhe autonominë financiare. Për drejtoreshën Degjoni ky hap i rëndësishëm, ndër të tjera do të shërbeje edhe si vlerësim i performancës së mjekut.
“Me fillimin e autonomisë financiare ndërhynë edhe instrumenta të tjerë të punës së vlerësimit të performancës së mjekut duke përdorur disa indikatorë matës siç është numri i konsultave që ata do të realizojnë, numri i ndërhyrjeve apo llojshmëria e ndërhyrjeve. Nëse bëhet fjalë për ndërhyrje të kompleksitetit shumë të vështirë dhe ekipi që merr pjesë tek këto do të vlerësohet për punën e tyre.”
Pas spitalit memorial Fier, kjo praktikë e dyfishtë pune e mjekut brenda spitalit publik ku ai punon, pritet të zbatohet edhe në spitalet e tjera publike që kanë fituar autonominë, si QSUT, dhe 4 spitalet rajonale Vlorë, Shkodrë, Lezhë dhe Durrës.
Ndërhyrja e rrallë kirurgjikale ajo e trombektomisë e ofruar nga ekipi i mjekëve të spitalit memorial në fier, vjen në prag të marrjes së kartes së autonomisë financiare për spitalin memorial në fier. Pasi kalimit me sukses fazës së autonomisë organizative, ky spital pritet të ofrojë më tepër shërbime për rajonin e Jugut të vendit.
