Reperi G Bani ka rrëfyer se si në moshën 11 vjeçar ka humbur shikimin në njërin sy.
Gjatë një bashkëbisedimi me Rozana Radin në ‘BBVA’, G bani ka treguar se me 7 janar të vitit 1992 plasi një kapsollë dinamiti në një zjarr, ku ciflat ju futën në retinën e syrit dhe humbi shikimin.
“Kam qenë 11 vjeç, më 7 janar të 1992. Me kapsoll dinamiti. Ishia tek dyqani që kishin hapur prindërit, e nxorrën babin në asistencë të parakohshme. Ka qenë oficer.
Dhe më thanë merr, Erin vëllain dhe na prit tek shtëpia. Gjeta Erin duke luajtur me top me një kushëri tonin. Do e merrja, por më tha aman të luajmë dhe pak dhe në shkëmbim më dha një kapsollë.
Më pëlqenin armët dhe lëndët plasëse sepse më merrte babi në poligon se e kisha oficer. Ma kishin tërhequr vëmendjen shumë herë se shkoja tek ushtarët ju kërkoja municion.
Ndeza një zjarr dhe e hodha atë kapsollën, dhe e ngacmova. Ajo shpërtheu. Ajo plasi dhe ciflat më hynë në retinën e syrit. Shikimin e kam 50% të qartë, shikoj ngjyrat”, tha reperi.
