Statistikat zyrtare flasin se afro 11 për qind e popullatës së Skenderajt jetojnë me ndihma sociale, shkruan “Koha Ditore”.
Sipas zyrtares së Qendrës për Punë sociale, Sykë Beqiri, me shifrat fundit janë mbi 1 mijë e 100 familje sociale, me rreth 7 mijë anëtarë që jetojnë me ndihma sociale.
“Në vitin që shkoi, numri i familjeve skamnore që e gëzonin të drejtën sociale ishte për 156 familje me 910 anëtarë më shumë, por që ata janë hequr nga lista sociale, pasi që një numër sish e fituan të drejtën e pensionit të veteranëve të luftës dhe pak sish kanë siguruar punësim”, ka thënë Beqiri.
