Portali “transfermarkt.de”, i specializuar në fushën e vlerësimeve dhe transfertave të lojtarëve ka rritur vlerën e lojtarëve të Kombëtares pas kualifikimit për në “Francë 2016”.
Listën e futbollistëve më të shtrenjtë të Kombëtares sonë, e kryeson shkodrani Elseid Hysaj, për kartonin e të cilin, Napolit iu desh të paguante plot 5 milionë euro.
Pas tij renditet sulmuesi i Bazelit, Shkëlzen Gashi, kartoni i të cilit kushton 4.5 milionë euro, duke vazhduar me Etrit Berishën me 3 milionë euro, Taulant Xhakën 2.5 milionë euro dhe duke vazhduar me futbollistët e tjerë kuqezinj.
Rritjen më të madhe të vlerës e ka pësuar kartoni i mesfushorit Ergys Kaçe, pasi tani kushton 3 mln Euro.
