Kryeministri i Maqedonisë, Zoran Zaev ka konfirmuar takimin me ministrin e jashtëm grek Nikos Kotzias më 12 prill, në kuadër të vizitës që do zhvillojë zyrtari grek në disa vende të Ballkanit.
Temë e diskutimeve pritet të jetë çështja e emrit të Maqedonisë, ndërsa Zaev thotë se nëse pas këtij raundi populli informohet për takimin, atëherë çështja është në drejtimin e duhur dhe pranë zgjidhjes.
“Nëse pas këtij raundi populli informohet për takim me Cipras, jemi ne drejtimin e duhur, jemi pranë zgjidhjes”- ka thënë Zaev.
Zaev pranon se pa zgjidhje të çështjes se emrit nuk ka anëtarësim të plotë në NATO, por le të hapur mundësinë e anëtarësimit të pjesshëm si rasti i Suedisë, pavarësisht se nuk është ky vullneti i maqedonasve sipas tij.
Por ndonëse kryeministri i Maqedonisë ka konfirmuar vizitën e Kotzias në Shkup, nga ana e Ministrisë për Evropën dhe Punët e Jashtme të Shqipërisë nuk ka ende konfirmim për vizitën e ministrit grek në Tiranë. As autoritetet në Kosovë nuk kanë konfirmuar vizitën e Kotzias në Prishtinë.
Kujtojmë se ishin mediat greke ato që publikuan lajmin para pak ditësh se ministri grek, Nikos Kotzias do zhvillonte një vizitë në Shqipëri, Maqedoni dhe Kosovë pas pashkëve ortodokse.
ma.me
