Kreu i Federatës së Futbollit të Serbisë, Tomislav Karaxhiç në Kongresin e UEFA-s që është duke u mbajtur tani në Budapest ka thënë se Kosova nuk është shtet dhe nuk duhet të pranohet nga UEFA.
Por, deklarata e tij politike, kundër asaj që ka thënë Karaxhiç se politika nuk duhet të përfshihet në sport, është kundërshtuar nga zyrtari i interpretimit të ligjeve në UEFA, transmeton Koha.net.
“Kombet e Bashkuara nuk kanë kompetencë për t’i njohur shtetet, por shtetet i njohin shtetet. Nëse nuk je anëtar i OKB nuk do të thotë se nuk je shtet.
Katër kriteret e të qenit shtet janë përcaktimi i territorit, popullata, qeveria dhe aftësia për të arritur marrëveshje me të tjerët.
Prandaj anëtarët e Kongresit do të vendosin vet nëse Kosova e meriton të pranohet në UEFA apo jo”, është shprehur interpretuesi i ligjeve në Kongresin e UEFA-s. (b.an)
