“Për punëtorët që do të punojnë në këto ditë, kur të kthehen në shtëpi, duhet t’i lënë këpucët dhe rrobat jashtë, në një ambient të veçuar”.
Ky është apeli i zyrtarit të OBSH-së Walter Ricciardi. Në një intervistë për “Live – Non è d’Urso” konsuleti i OBSH-së tregoi se si transmetohet koronavirus, i cili pas Kinës, po bën namin në Itali.
“Virusi transmetohet nga kontakti, nga ndërveprimi fizik midis dy personave: për këtë arsye është jashtëzakonisht e rëndësishme të qëndroni në shtëpi, dhe madje edhe më e rëndësishme të lani duart. Kur dikush del dhe prek objektet, në autobus ose në ashensor, ekziston rreziku që dikush që teshtit ose kollitet t’i ketë prekur fillimisht ato, kjo është hera e vetme që virusi mund të transmetohet nga një këndvështrim mjedisor”, tha Ricciardi, shkruan Tgcom. /e.s/
