Arsenali ka konfirmuar zyrtarisht përmes një komunikate se Arsene Wenger do të largohet nga “Topçinjtë” në fund të sezonit aktual.
Ai do të largohet nga Arsenali pas 22 vitesh në krye të pankinës.
68-vjeçari Wenger ka falënderuar të gjithë ata që i qëndruan pranë gjatë këtyre viteve.
“Pas diskutimeve me klubin, ndjeva se është momenti i duhur për t’u larguar në fund të sezonit. I jam mirënjohës që kam pasur privilegjin të shërbej për këtë klub për shumë vite. E kam menaxhuar me përkushtim. Dua të falënderoj stafin, lojtarët drejtorët dhe tifozët që e bënë special këtë klub. I kërkoj tifozëve që të qëndrojnë pas skuadrës për të përfunduar sa më mirë. Për gjithë tifozët e Arsenalit, kujdesuni për vlerën ë këtij klubi”, ka thënë Wenger./a.m.
