Universiteti i Korçës do të vazhdojë të jetë autonom dhe do të përfshihet në një reformë të thellë profilizimi dhe ndërkombëtarizimi.
Kundërshtimet e pjesës me te madhe të trupës akademike për tu bashkuar me Universitetin e Tiranes,vendim qe u mor nga Senati Akademik disa dite me pare,kane sjelle sot ne Korçë ministren e arsimit Evis Kushi.
Pas takimit me pedagoget ministrja e arsimit pohoi se trupa akademike por edhe drejtuesit ranë dakord qe Universiteti i Korçës te mos bashkohet me atë të Tiranës por të qëndrojë autonom.
Ajo vuri theksin tek potencialet qe ka ky institucion,i cili ka sfide profilizimin dhe nderkombetarizimin.
Ministrja Kushi: Universiteti i Korçës do të vazhdojë por do të rritet më tepër. Potencialet janë aty, ka studentë dhe staf i mrekullueshëm, si edhe kapacitete. Korça ka traditë në arsim, pra do të ketë zhvillim më tej. Ka patur propozime të ndryshme, jo vendime, e rëndësishme është që ti diskutojmë ashtu si bëmë sot. Dhe vendosëm që rruga është ndërkombëtarizimi dhe profilizimi i universitetit. Pyetja për 53 programe studime: Universitetet duhet të jenë avantgard e zhvillimeve dhe nevojave që ka. Është hapur së fundmi një program për marketingun dixhital. Profilizimi do të thotë që shumë programe do zhvillohen, disa të tjera që si përgjigjet Korça, edhe mund të mbyllen. Ato që janë drejt tkurrjes dhe që nuk lidhen me zhvillimin dhe traditën, mund të mbyllen. Çështja e bashkimit me universitetin e Tiranës ka qenë vetëm një propozim, jo vendim. Ndaj u diskutua sot dhe u vendos që nuk do të ketë bashkim por ndërkombëtarizim dhe profilizim.
Rektori i Universitetit te Korçës, u tërhoq nga vendimi për t’u bashkuar me UT duke e konsideruar vendimin e senatit një propozim alternativ.
Rektor Bello: Ishim përballë alternativave, nëse ka të tjera më të mira ne jemi dakord. Do ndjekim hapat në vazhdim, duhen ndërrmarrë reforma dhe e ardhmja do jetë më e mirë.
Deputeti i Korces Niko Peleshi e konsideroi te pamatur dhe nxituar vendimin për bashkimin me UT,duke inkurajuar vazhdimësinë e këtij insitucioni si autonom. Universiteti i Korçës është pjesë e identetit të këtij qyteti dhe si i tille nuk mund të cënohet.
Ministri Peleshi: Nuk është alternativë, por i nevojshëm çdo lloj vendimmarrje që cënon identitetin e universitetit. Bashkia e Korçës në qasjen me sfidat e kohës, që janë në të gjitha vendet, mendoj dhe jam optimist se gjithmonë ka një zgjidhje kreative. Nevoja për të qenë kompetitiv edhe përballe metropolit, të cilët na sfidojnë vazhdimisht, kjo na bën të punojmë për një histori suksesi. Ishte e panevojshme të bashkohet universiteti i Korçës me Tiranën, është propozim pozitiv por nuk është zgjidhje. Disa gjëra që lidhen me identitetin nuk cënohen. Korça s’mund të bëjë pakt me universitetin, s’bëhet fjalë për mbijetesë por do të bëhet një nga institucionet më të mira në Shqipëri.
Kushi dhe Peleshi iu kanë bërë thirrje maturantëve të zgjedhin programet e Universitetit Fan Noli, disa prej të cilave janë prioritet kombëtar dhe studentet do të paguhen me vlerën e pagës minimale deri në përfundim të studimeve.
