Nis zyrtarisht gara për drejtorët e rinj të spitaleve universitare dhe rajonale. 53 kandidatë u testuan me shkrim ditën e premte, për të qenë drejtues në 1 nga 11 spitalet rajonale dhe 22 të tjerë për 1 nga 5 spitalet bashkiake.
Por, testimi me shkrim është vetëm një nga filtrat. Ministrja e Shëndetësisë thotë se pjesëmarrësit do të kalojnë nëpër disa faza.
“Kishim 84 aplikime në fazën e parë ku u konkurua me dosje, me kritere tashmë të shpallura, ku përfshihet edhe eksperienca në punë. Nga 84 aplikues, 75 e kanë kaluar fazën e parë dhe testohen sot me shkrim. Më pas, do të konkurohet në fazën e tretë, atë të provimit me gojë, me një komision tashmë të ngritur Ad-hoc, të përbërë nga ekspertë të shëndetësisë dhe menaxhimit në Shqipëri si dhe ekspertë ndërkombëtarë të menaxhimit spitalor”, u shpreh ajo.
Sipas Shëndetësisë, në datat 1, 2 dhe 3 nentor me një komision Ad-hoc do të zhvillohet provimi me gojë, ndërsa 16 drejtuesit e rinj të spitaleve do të shpallen pas numërimit të pikëve për çdo fazë. /ma.me
