Nga sot, zyrtarisht hyn në fuqi Ligji për ndalimin e Lojërave të Fatit në Kosovë.
Ky ligj ishte propozuar nga Qeveria e Kosovës pas dy vrasjeve të ndodhura në vend, ku viktima ishin punëtorët e kazinove.
ky ligj ishte votuar nga shumica e deputetëve edhe në Kuvendin e Kosovës.
Ligji në fjalë ishte botuar në Fletoren Zyrtare më 24 prill, dhe se hynte në fuqi 15 ditë pas publikimit aty.
Tani në Kosovë ndalohen të gjitha lojërat e fatit përveç Llotarisë së Kosovës.
Këtë vendim e ka konfirmuar për Telegrafin zëdhënësja e Administratës Tatimore të Kosovës (ATK), Valentina Bytyçi.
“Po sot shfuqizohet ligji për lojërat e fatit”, ka konfirmuar zëdhënësja e ATK-së, Bytyçi.
Ndërkohë, Administrata Tatimore e Kosovës veç ka filluar me revokimin e licensave të këtyre bizneseve.
g.kosovari
