Autoritetet kanë konfirmuar ekzistencën e variantit britanik të Covid-19 në vendin tonë.
Instituti i Shëndetit Publik ka konfirmuar zyrtarisht se në Shqipëri qarkullon varianti britanik i Covid-19.
Lajmi është bërë i ditur nga ministrja e Shëndetësisë Ogerta Manastirliu në mbledhjen e Komitetit Teknik të Ekspertëve.
“Në vlerësimin e situatës janë analizuar kampione, laboratori ka përdorur kite specifike, ISHP ka bashkëpunuar me ISHP të Ankarasë në Turqi, dhe rezultatet treguan se kampionet janë të infektuar me variantin e ri, mbajnë një shenjë të mutacionit britanik, ky mutacion është detaktuar nga laboratori i ISHP që është në qarkullim. Pra dyshimet e arsyeshme që ekspertët tanë patën kur filloi rritja e infektimeve, tashmë është e konfirmuar nga detektimi në laborator që Shqipëria ka në qarkullim edhe këtë mutacion, variantin e ri të Covid-19”, tha ministrja Ogerta Manastirliu.
/a.r
