Zyrtare, NASA konfirmon: Në planetin Mars ka ujë
Në Mars ka ujë. Ky është zbulimi që ka bërë NASA, shkruan The Guardian. Sipas të dhënave të para,nga agjensia amerikane e hapësirës në planetin Mars ka sasi të konsiderueshme të ujit, duke rritur edhe më shumë shpresat se në një të ardhme ky planet mund të bëhet i jetueshëm.
Sipas të dhënave të para nga agjencia amerikane e hapësirës, të siguruara sot nga The Guardian, në planetin Mars ka sasi të konsiderueshme uji, duke rritur edhe më shumë shpresat se në një të ardhme ky planet mund të bëhet i jetueshëm.
Uji, shpjegojnë specialistët e NASA-s, besohet të jetë i kripur. Megjithatë duket se ka një problem, pasi temperaturat aktualisht atje janë jashtëzakonisht të ulëta deri – 50 gradë Celsius dhe bëjnë që uji të ngrijë e të mos jetë në formë të lëngët.
Jim Green, drejtori i shkencave planetare i NASA’s, dhe Michael Meyer, shkencëtari kryesor i Programit për Eksplorimin e Marsit, janë personazhe kryesorë të prezantimit publik të zbulimit të jashtëzakonshëm.
Ata thonë se zbulimi bazohet mbi imazhet e fotografuara nga Curiosity Rover, e cila është pjesë e pandarë e eksplorimeve të agjencisë hapësinore amerikane, agjenci që është mëse e vendosur të gjejë forma të ndryshme të jetës mbi planetin e kuq.
Mediat ndërkombëtare po hedhin dyshime se NASA ka gjetur jo vetëm ujë, por edhe jetë mikrobiologjike në planetin Mars.
