Mbrojtësi i Kombëtares së Shqipërisë, Berat Gjimshiti, nga janari i vitit të ardhshëm do të detyrohet të gjejë skuadër të re. Gjimshiti 22-vjeçar nuk është në planet e trajnerit të Zyrihut, Sami Hyypia. Trajneri Hyppia e ka futur mbrojtësin në listën e lojtarëve që do t’i largojë gjatë janarit, ka njoftuar “Blick”, përcjell Koha Ditore.
“Mbrojtësi i Kombëtares së Shqipërisë dështoi në ndeshjen që Zyrihu e humbi me rezultatin 5:0 nga Grasshoppersi. Ishte ndeshje dëshpëruese”, shkruan të enjten “Blick”. Gjimshiti me Zyrihun ka kontratë deri në qershor të vitit 2016.
Këtë edicion ai ka shënuar një gol në 15 paraqitje. Mediume të ndryshme italiane kanë raportuar gjatë verës se skuadra e Lazios ka shprehur interesim për mbrojtësin shqiptar.
