Ministria zvicerane e Drejtësisë njoftoi se ka ngrirë llogaritë bankare të lidhura me FIFA-n.
Zëdhënësi i Ministrisë së Drejtësisë, Folco Galli, në një deklaratë duke theksuar se kanë hedhur këtë hap me kërkesë të autoriteteve amerikane, u shpreh se janë ngrirë 50 llogari bankare të cilat mendohen se kanë lidhje me korrupsionin në banka të ndryshme të lidhura me FIFA-n. Llogaritë bankare janë ngrirë në kuadër të hetimeve për korrupsion të kryera ndaj autoriteteve lokale të federatës dhe shumë drejtuesve të FIFA-s ku janë të përfshirë edhe kreu i UEFA-s, Michel Platini dhe kreu i dorëhequr i FIFA-s, Seep Blatter.
Në kuadër të hetimeve për korrupsion të hapur në SHBA në një operacion të ndërmarrë në Zvicër më 27 maj u ndaluan drejtues të lartë të FIFA-s. Blatter në zgjedhjet e mbajtura më 29 maj në Kongres u zgjodh për herë të 5 në postin e kryetarit ku dhe kjo situatë u prit me reagime nga opinioni ndërkombëtarë. Pas këtyre zhvillimeve 4 ditë pas zgjedhjeve ai dha dorëheqjen.
Ndërsa më pas prokuroria zvicerane më 25 shtator pas hapjes së hetimeve ndaj Blatter mori deklaratat e tij dhe konfiskoi të dhënat në zyrën e tij. Më pas në lidhje me çështjen mori deklaratat edhe nga Platini. Mes akuzave në hetim ndodhen pretendimet se Blatter i ka dhënë Platini-së 2 milionë franga zvicerane. Në raport pretendohet se ndaj Platini dhe Blatter kërkohet dënimi me 7 vjet nga privimi i të drejtave.
