Zvicra ka bllokuar kërkesën e Shteteve të Bashkuara të Amerikës për të fluturuar me dy avionë ushtarakë mbi territorin e saj për shkak të konfliktit në Iran, njoftoi qeveria zvicerane.
Autoritetet thanë se vendimi bazohet në ligjet e neutralitetit të vendit, të cilat ndalojnë fluturimet ushtarake të palëve të përfshira në konflikt kur ato kanë qëllime ushtarake. Kërkesa e SHBA-së lidhej me dy avionë zbulues.
Megjithatë, Zvicra miratoi disa kërkesa të tjera që lidhen me konfliktin. Autoritetet lejuan një fluturim mirëmbajtjeje dhe dy fluturime transporti.
Zyrtarët zviceranë theksuan se fluturimet për qëllime humanitare ose mjekësore, si transporti i të plagosurve, lejohen, ashtu si edhe fluturimet që nuk kanë lidhje të drejtpërdrejtë me konfliktin.
