Një adoleshent shqiptar është gjetur i pajetë pranë një makine në një vend pushimi në magjistralen A1 në Basserdorf ZH, të Zvicrës. Ngjarja ka ndodhur mesditën e djeshme. Sipas mediave gjermane, kufoma ndodhej në anën e djathtë të automjetit, ndërsa ishte hapur edhe dera e bashkudhëtarit.
Policia thotë se makina ishte e dëmtuar, duke hedhur dyshimet e para për një vdekje aksidentale, përcjell albinfo.ch. Ngjarja është denoncuar në polici të hënën rreth orës 13:00. Automjeti ishte i markës “Kia”, ngjyra e zezë dhe me targa të Bernës. “Arsyet e vdekjes janë akoma të paqarta”, thonë nga policia. Grupi hetimor po heton çështjen në të gjitha drejtimet, ndërsa policia kërkon dëshmitarë.
ma.me
