Një ngjarje e pazakontë ka ndodhur në Winterthur të Zvicrës, ku baba e bir shqiptarë nga Kosova kanë dalë para gjykatës, pasi kanë tentuar të hedhin nusen nga ballkoni.
Vjehrri 68-vjeçar, i inatosur se nusja nuk po e respektonte, e ka kapur nga krahët dhe ka dashur ta hedhë nga ballkoni.
Në ndihmë babait i ka ardhur edhe djali, bashkëshorti i 32-vjeçares, i cili e ka kapur të shoqen prej këmbëve, për ta hedhur nga ballkoni, sipas sda.ch
Në momentin e fundit gruaja e cila ishte kapur fort pas hekurave të ballkonit, është shpëtuar nga djali i saj 9-vjeçar, i cili e ka kafshuar aq fort në kofshë të atin sa e ka detyruar atë ta lëshojë gruan.
Sot, babë e bir kanë dalë para gjyqit të qarkut.
Prokuroria ka kërkuar dënimin me 10 muaj burg me kusht dhe një gjobë prej 40 frangash për bashkëshortin. Ndërsa për jehrrin, 8 muaj burg me kusht dhe po ashtu 400 franga gjobë. Të dy akuzohen për detyrim, kërcënim dhe përdorim dhune si edhe shkaktim lëndimi.
Bashkëshorti, si masë sigurie, ashtu duhet të ndjekë edhe kursin “partneriteti pa dhunë”.
