Valës së protestave për Zvërnecin i janë bashkuar edhe shqiptarët që jetojnë dhe punojnë në SHBA.
Ata janë mbledhur sot (6 qershor) para godinës së Ambasadës Shqiptare në Uashington DC, duke iu bashkuar organizimeve të ngjashme që po ndodhin në shumë qytete dhe kryeqytete të Evropës.
Ky tubim në Uashington DC vjen si pjesë e një koordinimi të gjerë të diasporës në rang global, pasi protesta të ngjashme janë regjistruar më herët në qytete si Vjena, Berlini, Milano dhe Stokholmi, ndërkohë që brenda Shqipërisë protesta në rrugët e Tiranës vijon prej një jave.
