Zëvendës ministrja e Brendshme Rovena Voda deklaron se dorëzimi dhe arrestimi i Klement Balilit, në kërkim ndërkombëtar për trafik droge, ishte rezultat i një operacioni të gjatë gjurmues të policisë së shtetit në bashkëpunim me agjencitë e tjera ligjzbatuese.
“Si rezultat i veprimtarisë së policisë së shtetit, i ndjerë nën presion, Balili u detyrua të dorëzohej”, theksoi Voda në emisionin Repolitix, në Report Tv.
“Dorëzimi i Balilit dhe arrestimi është rezultat i një operacioni të gjatë gjurmues të policisë, në bashkëpunim me SHISH dhe partnerët tanë. Është një rast tepër i vështirë, flasim për një person në kërkim ndërkombëtar. Është një rezultat i operacioneve tona. Nuk mund të jap hollësi nga bisedat që janë bërë, por si rezultat i veprimtarisë së shtetit ai u detyrua të dorëzohej. Ka qënë një akt i detyruar, nën presion për ta bërë këtë gjë. Nuk i lindi dëshira Balilit për t’u dorëzuar, ai po shkon në burg dhe ka llogari për të larë edhe me vende të tjera, e di mirë cfarë e pret”, përfundoi zëvendës ministrja.
a.cupaj
