Ku po shkon Kosova? A do të marrin zgjidhje çështjet me Serbinë, dhe a do ta njohë ky vend shtetin e Kosovës?
Zv.kryeministri i Kosovës Enver Hoxhaj ka analizuar në “Real Story” situatën politike, sfidat e vendit dhe arritjet në negociata me Serbinë.
Hoxhaj ka folur për një tezë që deri më sot është përmendur nga qarqe të ndryshme politike dhe mediatike në Serbi, Evropë por kurrë nuk është formuluar si kërkesë zyrtare.
Ai ka pranuar se Serbia ka qenë e interesuar për shkëmbim territoresh.
Por Hoxhaj ka theksuar se në Kosovë kjo nuk është folur asnjëherë, duke u shprehur se nuk ka ndryshim kufijsh.
“Kufijte ne Ballkan jane te pandryshueshem. Presidenti Vucic e ka deklaruar shpesh tezen e shkembimit te territoreve. Ne Kosove asnjehere nuk eshte folur per kete. Ka qene nje rus e nje argjentinas qe kane drejtuar nga Ministria e Jashtme e Serbise, te gjithe tezen e shkembimit”, tha ai.
Zv.kryeministri deklaroi se “Serbia ne 2018 operon me letrat qe nuk i ka ne dore. Serbia mund te kete interes per ta mbyllur, por vendos Rusia”.
Hoxhaj deklaroi më tej se “Dialogu me Serbine ka arritur shume gjera pozitive, por ka arritur nje faze tashme qe duhet qartesi, jo ambiguitet”./a.m.
