Në Kherson janë gjetur ambiente që kanë ngjallur shqetësim, të cilat mesa duket janë përdorur nga ushtarët rusë për të torturuar civilët ukrainas. Qeveria ukrainase beson se patriotët vendas që refuzuan të bashkëpunonin me armikun ishin në shënjestër të ushtrisë ruse.
“Banorët e Khersonit u morën në pyetje dhe u torturuan brutalisht”, pohuan zyrtarët.
Oficerët e zbatimit të ligjit të torturës gjetën objekte që tregojnë drejtpërdrejt shenja torture. Gjetën ambiente ku kishte maska gazi dhe shishe lëngjesh, të cilat aktualisht janë duke u analizuar.
Shenjat e mureve paraqesin një pamje të zymtë me tabela që duket se tregojnë se të burgosurit numëronin numrin e ditëve që u mbajtën robër.
“Lutjuni Zotit për ne. O Zot, na jep forcë. Zot, na ruaj dhe na mbro”, ishte një ndër shkrimet që u gjet në muret e këtyre ambienteve.
Kishte gjithashtu shenja se trupat ruse u përpoqën të pastronin provat përpara se të largoheshin nga Khersoni.
/a.r
