Pas një seance ushtrimesh në palestër, Antonio Banderas u shtrua në spital pasi ndjeu dhembje në gjoks. Aktori 56-vjeçar, i cili nga viti 2015 jeton në Angli, u dërgua me urgjencë në spital dhe gjithçka kaloi.
Lajmi është konfirmuar nga vetë Banderas për “The Sun” dhe ka falenderuar mjekët për shërbimin. Tashmë, ai po rehabilitohet pas rrezikut të kaluar. Antonio është yll i filmave hit si Zorro, Shrek apo Desperado.
Arsyen e blerjes së një shtëpie në Kobham të Anglisë, spanjolli e ka shpjeguar kështu: “Kjo shtëpi më jep thjeshtësinë dhe lirinë që më duhet në këto momente. Nuk jam më një person festash. Tani dua të jem i qetë për të shkruar disa skenarë filmash”.
