Përmendja në mënyrë figurative e zonjës Tefta nga këshilltari i kryetarit të Partisë Demokratike Lulzim Basha, Edi Lesi, ku kritikonte aleatët kritikë të PD-së, e ka irrituar tej mase atë.
Tefta Pajenga përmes një postimi në rrjetin social “Facebook” ka pohuar se nuk e njeh fare këtë këshilltar, ndërsa shton për këtë varfëri mendimi, e këshilloj të lexojë pak më shumë politikë se ka plot shembuj që mund ta ndihmojnë.
Nga ana tjetër, ajo thekson se i bëhet qejfi që e ndiqka emisionin e saj!!!
Ja statusi i plotë
Ju kërkoj ndjesë miq për këtë status që nuk është i natyrës time por s’mund të rri pa reaguar ndaj përmendjes së emrit tim!!!!
Më thanë se në faqen e gazetës Panorama, paska patur një shkrim nga një far Edi Lesi i cili i drejtohet aleatëve të PD-së.
Nuk e njoh fare këtë këshilltar, por ai bën mirë që argumentet e tij të mos i gjej te byrekët, biftekët mishi e specat, aq më pak tek emri im. Për këtë varfëri mendimi, e këshilloj të lexojë pak më shumë politikë se ka plot shembuj që mund ta ndihmojnë. Por nga një anë më bëhet qejfi që e ndiqka emisionin tim!!!!
a.ç
