Një vatër e madhe zjarri u shfaq pasditen e sotme edhe në fshatin Çorrush të Mallakastrës, duke shkaktuar shumë dëme.
Një shkëndijë elektrike dyshohet se shkaktoi zjarrin pranë kabinës elektrike dhe më pas flakët u përhapën me shpejtësi, të favorizuara nga era.
Flakët përshkuan rreth 1 hektarë sipërfaqe, ndërsa zjarri dëmtoi edhe mbi 15 pemë ulliri shekullore.
Fatmirësisht, zjarri u fik në kohë dhe situata tashmë është nën kontroll, duke shmangur përhapjen e mëtejshme të flakëve.
