Hanife Mali 55 vjeçare nga Laçi gjeti vdekjen këtë të hënë në Spitalin Amerikan në Tiranë, në repartin e Hemodializës ku ajo kishte shkuar të merrte shërbimin.
Një 57-vjeçar tashmë i arrestuar, i vuri flakën me benzinë një pacienti tjetër që ndodhej në dhomë për hemodializën, duke shkrumbuar të gjithë dhomën. Nga pacientët, humbi jetën edhe Sanie Sulaj 55 vjeçe nga Mamurrasi, ndërsa të tjerët u plagosën. Vëllai i Hanife Malit tregon për mediat se mësoi për tragjedinë nga mediat. Ai kishte biseduar me motrën e tij herët në mëngjes, në orën 05:00 kur zonja Mali nisej nga Laçi për në Tiranë.
“Kjo është një ngjarje e rëndë. Nuk ka gjë më të rëndë. Të vijë tjetri e të të djeg njeriun tënd të krevat, pa asnjë arsye kjo është e rëndë. Shteti duhet të zbardhë çështjen Kam ardhur këtu me disa specialistë dhe pash në morg se ishte djegur. Ishte djegur i gjithë trupi”, shprehet ai për Report Tv.
Shkak i zjarrit ka qenë një sherr mes dy pacientëve, ku njëri ka tentuar të djegë tjetrin brenda dhomës së Hemodializës. Sipas Policisë, zjarri është vënë nga pacienti i identifikuar si Lefter Canaj, 57 vjeç, pas një konflikti me pacientin tjetër Dashamir Saraçin, 47 vjeç./a.m.
