Zjarri në Shëngjin, ministri Manja: Situata është nën kontroll

Situata e zjarreve në Shëngjin është vendosur nën kontroll. Këtë e bën të ditur ministri i Drejtësisë, Ulsi Manja. Ministri shton po ashtu se mëngjesin e së mërkurës priten përforcime nga mekanizmi evropian i mbrojtjes civile.

ULSI MANJA NË FACEBOOK

“Kur bëhemi të gjithë bashkë çdo sfidë kalohet! Falë përkushtimit të forcave zjarrfikëse nga të gjitha bashkitë e vendit, Policisë së Shtetit, ushtrisë dhe qytetarëve vullnetarë, situata në Shëngjin është nën kontroll. Nesër në mëngjes do të kemi përsëri përforcime nga mekanizmi evropian i mbrojtjes civile. Qëndroni të qetë dhe ndiqni udhëzimet e autoriteteve!”

Ndërkohë, kryebashkiaku i Lezhës, Pjerin Nderu u është përgjigjur akuzave për neglizhim të situatës së zjarreve.

“Mos të ishin zjarrfikësit nga e gjithë Shqipëria, Shëngjini do të ishte gërmadhë sot,” shprehet kryebashkiaku teksa shton se era i përhapi flakët “me shpejtësi rrufe.”

Nje ere e tmerrshme shperndau zjarrin rrufe kudo! Kryeministri, ministrat, sidomos Balla dhe Manja, kryetaret e Bashkive kolege te mi, autoritete te larta Sherbimit te Emergiencave dhe vecanarisht Arben Cara dhe Agustin Pepkola, Prefekti dhe Bashkise Lezhe, ishin ne kembe!Une fatkeqesisht isha ne Stamboll! Ika dje ne dreke ne vizite zyrtare, kur ngjarja nuk ishte alarmante! Nuk fjeta fare duke komuniku me te gjithe! Gjeta bilete dhe po kthehem! Qetesohuni, se nuk kam une merita, por ama zjarrefikesit jane treguar heronj! Ndersa ca helmin si gjithmone! Shpetuam Shengjinin pa pasoja ne njerez, por skemi ndermend te shpetojme llumin nga shfryrja e pafre e fantazise se turbulluar!