Drejtor i shërbimit zjarrëfikës të Tiranës Shkëlqim Goxhaj ka dhënë më shumë detaje nga zjarri i madh që përfshiu pallatin 9-katësh në zonën e ish-Parkut.
Në një intervistë për Vizion Plus Goxhaj tha se nga zjarri u dëmtuan vetëm dy banesa, ajo ku ishte vatra dhe një tjetër në katin e 5-të.
Cilësia e dobët e punimeve nuk u përjashtua si shkak nga Goxhaj që zjarri të përhapej aq shpejt, ndërsa problematikë në punën e zjarrëfikësve mbetet parkimi i gabuar i mjeteve në zonat e banimit.
Çfarë thonë hetimet e deritanishme për shkaqet e zjarrit?
Ne jemi drejt përfundimit të ekspertizës në objektin ku ra zjarri dhe deri tani kemi arritur të kuptojmë që zjarri ka rënë në katin e fundit dhe shkak është bërë një kondicioner, motorri i kondicionerit.
Pra këto janë rezultatet e hetimeve paraprake. Zjarri në fakt ishte i përmasave të mëdha dhe flakët u përhapën me shpejtësi në disa kate të ndërtesës. Çfarë e favorizoi përhapjen e shpejtë të zjarrit?
Zjarri mori përmasa në të gjithë pjesën e sipërme të fasadës dhe dëmtoi edhe një banesë në katin e 5. Përveç banesës ku ra zjarri fillimisht, u dëmtua edhe një banesë në katin e 5 ndërsa pjesa tjetër ka qenë në pjesën e fasadës, jo brenda shtëpive. Objektet e tjera kanë qenë nga bloza e tymi, ku kanë qenë dritaret hapur. Këto dëmtime janë.Plotësisht janë djegur banesa ku ra zjarri dhe një në katin e 5. Përhapjen e zjarrit e kanë ndihmuar materialet që kanë qenë në objekt.
Fasada e pallatit u dogj, dmth që kishte probleme me cilësinë e ndërtimit dhe materialet e përdorura?
Mendojmë ajo ka qenë arsyeja që zjarri mori ato përmasa sepse gjatë gjithë punës tonë, zjarrëfikësit e Tiranës nuk kanë pasur asnjë rast kur zjarri kalon nga një banesë në një tjetër, në objektet shumë katëshe. Është një rast i veçantë për ne.
Në jo pak raste zjarrëfikësit kanë vështirësi në ndërhyrje në blloqet e banimit edhe për shkak të mungesës së rrugë kalimeve, cilat janë zonat më problematike në Tiranë në këtë drejtim ?
Faktikisht problem është sepse qyteti i Tiranës është duke u shtuar përditë dhe trafiku i automjeteve sa vjen dhe shtohet. Në asnjë ngjarje shërbimi zjarrëfikës nuk ka munguar kur i është kërkuar ndihmë nga qytetarët. Ne kemi qenë prezent në çdo ngjarje, duke shpëtuar edhe jetë qytetarësh. Ne kemi automjete që janë të përshtatshme, ku qarkullimi është i vështirë. Për rastin e ditës së djeshme, aty patëm mundësinë të ofrojmë shumë automjete dhe një prej tyre ishte edhe autoshkalla. Për zjarrëfikësit nuk duhet të ekzitojë fjala që nuk arrijnë në vendin e ngjarjes, sepse nuk mungon infrastruktura. Problem, për mendimin tim mbetet parkimi i gabuar i automjeteve, ku shpesh herë natën na është dashur të spotojmë mjete me zjarrëfikësen ose kemi kërkuar ndihmën e policisë së shtetit ose bashkiake. Problem për zjarrëfikëset është parkimi i gabuar i automjeteve në blloqet e banimit.
Ishte një operacion i vështirë për ju?
Ishte operacion i vështirë. Ne kemi pasur zjarrëfikës në tarracë, është grupi i shërbimit që ishte që në fillim në vendin e ngjarjes. Duke menduar që vatra e zjarrit është në katin e kryes, ata shtrinë informacionin për të luftuar zjarrin. Zjarri mori përmasa dhe vazhdoi deri posht, dhe u bë vështirë për atë grup që të vazhdonte. Grupi vazhdoi punën nga tarraca e pallatit tjetër që ishte ngjitur. Ne përveç autoshkallave kemi afruar aty edhe automjet që na shërben ne ër të mbushur bomblat e ajrit që punonjësi i shërbimit të jetë në aktivitet. Ka qenë zjarr i veçantë, sepse zjarr me përmasa kemi pasur në biznese, magazina por në këtë objekt ka qenë më i veçantë, se nuk e mendonim që zjarri do merrte ato përmasa. 2-3 zjarrëfikës kanë pasur edhe probleme me frymëmarrjen dhe pas ndihmës së parë janë më mirë, ndërsa qytetarë nuk ka të lënduar.
