Një prej të lënduarve si pasojë e zjarrit që përfshiu komisariatin e Policisë së Kamzës, ka ndërruar jetë.
Viktima është shtetasi me inicialet A.M, i ndaluar në këtë komisariat. Vatra e zjarrit ka rënë në katin minus, pranë dhomave të paraburgimit, gjë që ka bërë që ndërhyrja për evakuimin e të ndaluarve të ishte e vështirë.
Informacion paraprak:
Më datë 26.03.2022, në Kamzë, në ambientet e Komisariatit të Policisë Nr. 5, në rrethana ende të paqarta, ka rënë zjarr dhe si pasojë janë dëmtuar dhe janë dërguar në spital për ndihmë mjekësore shtetasit e ndaluar A. M., D. I., dhe punonjësi i policisë H. B.
Shtetasi A. M., ka ndërruar jetë në spital.
Me ndërhyrjen e zjarrfikëseve dhe të punonjësve të Policisë të Komisariatit Nr. 5, zjarri u shua.
Grupi hetimor ndodhet në vendngjarje dhe po punon për sqarimin e rrethanave të ngjarjes.
