Greqia vazhdon të luftojë zjarret në Rodos për të shtatën ditë, pasi autoritetet e mbrojtjes civile paralajmëruan për rrezik ekstrem të zjarreve në Kretë.
Më shumë se 2,000 turistë u kthyen në shtëpi me avion të hënën dhe më shumë fluturime riatdhesimi priten sot.
Në 7 ditë, gazeta ‘Kathimerini’ raporton se janë djegur rreth 342 mijë hektarë me pyje.
Zjarret janë rindezur në të gjithë vendin, sipas një zyrtari të brigadës së zjarrfikësve për Reuters.
“Është jashtëzakonisht sfiduese, shtëpitë e njerëzve, biznese, mjetet e jetesës së njerëzve që po shkatërrohen”, tha Jessie Thomson, kryetare e delegacionit të Federatës Ndërkombëtare të Shoqërive të Kryqit të Kuq në Greqi.
Ajo tha se 15 ditë radhazi të nxehtësisë ekstreme “kanë çuar në kushte shumë të rrezikshme” për shëndetin e njerëzve, pavarësisht nga rreziku që paraqesin vetë zjarret.
Temperaturat parashikohen të rriten sërish deri të mërkurën, duke kaluar në disa zona edhe 44 gradë Celsius.
/f.stafa
