Ministria e Mbrojtjes njoftoi dje se zjarri në Malin e Tërbunit në Pukë, vazhdon të jetë problematik.Mësohet se 50 efektivë të Forcave të Armatosura, 12 zjarrfikës, 8 punonjës të shërbimit pyjor dhe 20 vullnetarë po punojnë për mbajtjen në kontroll të situatës që të mos rrezikohet kurora e qytetit të Pukës.
Në fshatin Flet, në Fushë-Arrëz, situata është vënë në kontroll, ndërsa në fshatin Dardhë situata paraqitet më problematike për shkak të bimësisë së dendur. Ministria informoi dje se është riaktivizuar vatra e zjarrit ndërmjet fshatrave Drisht, Mazrek, Lundertune dhe Rragam në Njësinë Administrative Guri i Zi dhe Pobtribe, duke e kthyer këtë zonë me 3 vatra zjarri.
Bëhet e ditur se 25 trupa nga Forcave të Armatosura dhe 30 forca të tjera të pushtetit vendor kanë ndihmuar që situata në fshatin Patale në Lezhë të paraqitet e përmirësuar. Ndërsa në Mirditë, zjarri zhvillohet me intensitet të ulët. Në vatrën e zjarrit në fshatin Thirrë, ka vijuar puna në terren nga 40 trupa të Forcave të Armatosura dhe 14 nga strukturat vendore. Nga ajri po kryen ndërhyrje me helikopterin holandez.
Vatra e zjarrit në “Majën e Rrunës”, vazhdon të jetë problematike. Në terren po punojnë 15 trupa nga Forcave të Armatosura dhe 20 forca nga strukturat ven- dore. Situata është e vështirë për shkak të terrenit të thyer. Zjarri ne fshatin Kaçni, Një- sia Administrative Selishtë në Dibër, vazhdon të jetë aktiv në një sipërfaqe pyjore në terren të vështirë. Dje, në ter- ren kanë punuar 15 trupa nga Forcave të Armatosura dhe 18 forca nga strukturat vendore. Vatër zjarri është aktivizuar në Gurin e Nikës në Pogradec; në vendin e quajtur kodrat e Divjakës pranë parkut Kombëtar Divjakë; në fshatin Fushë-Arrëz në Luftinjë si dhe në fshatin Kamican në Elbasan ku për të gjitha vatrat po punohet për mbajtjen nën kontroll të situatës.
Mjaftoi vetëm një shkëndijë elektrike dhe brenda pak minutash flakët e zjarrit kanë përshkuar kodrinën në fshatin Andon Poçi në Gjirokastër, ku si pasojë dëmi ekonomik është i konsiderueshëm. Dhjetëra dengje bari, rezerva ushqimore për bagëtitë, janë shkrumbuar totalisht duke hedhur poshtë mundin e pothuajse një viti të tërë. Prefekti qarkut, Odise Kote, i ndodhur në vendngjarje u shpreh se për vendosjen në kontroll të flakëve, u angazhuan dhjetëra efektivë të reparteve zjarrfikës dhe Policisë së Shtetit, që falë ndërhyrjes mundën të neutralizojnë flakët. Kjo ishte e vetmja vatër zjarri gjatë këtyre ditëve në Gjirokastër, ku shkaktar nuk ka qenë dora e njeriut.
/b.h
