Një shkarkesë elektrike në kutinë e shpërndarjes së linjës së energjisë elektrike ka shkaktuar zjarr në një magazinë ushqimore në qytetin e Gjirokastrës. Forcat zjarrfikëse kanë shkuar në vendngjarje për të bërë të mundur shuarjen e flakëve.
Ndërhyrja bëri të mundur shuarjen e flakëve që mund të përhapeshin në drejtim të dy banesave aty pranë. Si pasojë e zjarrit, u dogjën dyshemeja e drunjtë, një printer, një kompjuter, kaseta elektrike, tavanet e gipsit e dyert e drunjta.
Sipas kreut te PMNZSH, gjeneral Pëllumb Shalarit, magazina e pozicionuar në zonën industriale paraqiste rrezik nëse zjarri do të prekte depozitën e madhe të gazit.
Objekti është në pronësi të Kristaq Pirpos dhe Aleko Lengos.
g.kosovari
