Një 17-vjeçare është djegur në fshatin Rragam të njësisë Guri i Zi në Shkodër. Shtetasja Elizabeta Kola ka pësuar djegie të shkallës së parë.
Një zjarr ra në banesën e saj rreth orës 21:00 të 23 tetorit kur ajo ndodhej në gjumë në një dhomë të shtëpisë. 17-vjeçarja nuk dëgjon dhe nuk mund të flasë duke mos mundur që të njoftojë familjarët e tjerë që ndodheshin në dhomën tjetër.
Familjarët dhe fqinjët janë munduar të shuajnë flakët me kova uji dhe ia kanë arritur por 17-vjeçarja kishte pësuar djegie në shumë pjesë të trupit. Nuk është lajmëruar zjarrfikësja për shkak se familjarët kanë gjykuar se nuk ka patur kohë për të pritur mjetet e zjarrfikësve.
Tashmë Elizabeta Kola është dërguar drejt Tiranës tek reparti i djegie plastikës për shkak se ka djegie të shkallës së parë.
a.ç
