Një zjarr masiv ka rënë në një objekt në ndërtim në zonën pranë Shërbimit të Provës në Tiranë. Siç shihet dhe nga pamjet shtullungat e zeza të tymit kanë mbuluar gjithë zonën.
Zjarri ka përfshirë pjesën jashtme të një pallati në ndërtim në rrugën Jordan Misja. Ekipet e zjarrfikëses kanë mbërritur në vendngjarje dhe kanë bërë të mundur neutralizimin e flakëve.
Ende nuk dihen rrethanat apo shkaqet e rënies së zjarrit.
Grupi hetimor ndodhet në vendngjarje dhe po punon për zbardhjen e shkaqeve të zjarrit.
Nuk raportohet për persona të lënduar. Ndërkohë që zjarri masiv ka zgjatur shumë pak dhe është mundur të neutralizohet.
/a.r
