Në librin e Michael Wolff, “Zjarr dhe furi: Brenda Shtëpisë së Bardhë të Trump”, përveç të tjerave, flitet edhe për marrëdhënien problematike të martesës së Donald Trump me Melanie.
Autori i librit shkruan se Trump dhe e shoqja kalojnë shumë pak kohë bashkë.
“Ai dhe Melania kalojnë relativisht pak kohë bashkë. Ata mund të kalojnë ditë të tëra pa asnjë kontakt, edhe nëse janë së bashku në Kullën Trump”, shkruhet në libër.
Sipas autorit të librit, para se të bëhej president, Melanie shpesh nuk e dinte se ku është i shoqi, ndërkohë që po ashtu di shumë pak gjëra për bizneset e bashkëshortit.
Nga ana tjetër, Trump e përshkruan Melanie si “gruaja ime trofe” përpara të tjerëve dhe i kushton shumë pak kohë djalit që ka me të, Barron.
Në libër thuhet se Melanie u trishtua kur Trump u zgjodh president.
Kur gjatë fushatës Melania Trump mori vesh e shqetësuar se e përditshmja kundërshtare Neë York Post kishte arritur të siguronte foto nudo të saj gjatë përiudhës kur ajo qe modele dhe se gazeta kishte ndërmend t’i publikonte ato, përgjigjja e Trump ishte: duro deri në nëntor se gjithçka do të mbarojë.
Ai ishtei bindur se do të humbiste dhe do të dilte nga skena.
Një tjetër sekret, sipas autorit të librit, ka të bëjë me modelin e flokëve të Donald Trump.
Ai i mban flokët në atë mënyrë për të fshehur një boshllëk tullac që ka në kokë si pasojë e një ndërhyrjeje kirurgjikale.
Sekretin për krifën e çuditshme të flokëve që Trump mban mbi kokë, e ka nxjerrë e bija e tij e preferuar, Ivanka. /b.d
