Një zinxhiri restorantesh spanjolle që shërbejnë ushqim italian nuk i lejohet më të përdorë emërtimin “Mafia” pas një vendimi të Bashkimit Evropian, njofton e përditshmja italiane “La Repubblica”.
Zyra e BE-së për Pronën Intelektuale e cituar nga gazeta italiane thotë se “lidhja me mafien prek imazhin e kuzhinës italiane dhe i jep një këndvështrim pozitiv rrjeteve kriminale që janë shumë të rrezikshme për Italinë”.
“Ky është një vendim i rëndësishëm”, tha Rosy Bindi, kryetar i komitetit italian parlamentar kundër mafias.
“Kuzhina italiane, që është e shkëlqyer, nuk mund të lidhet me emërtimin e mafias”, vazhdoi ai.
Faqja në internet “La Mafia” liston 41 restorante në të gjithë Spanjën. Ato janë të dekoruara me imazhin e bosëve të mafies italiane dhe ky zinxhir restorantesh ka përdorur shpesh herë slogane si “La Mafia krijon punë”./a.k
