Sërish Bale dëmtohet. Trajneri i Real Madridit, Zinedine Zidane, ka thënë se nuk mund të japë ndonjë datë për rikthimin e Gareth Bale.
“Varet nga ai, nuk mund të jap ndonjë datë për rikthimin e tij, sepse siç e dini, nganjëherë i është dashur më shumë kohë, por shpresoj se javën tjetër”, ka thënë Zidane, transmeton Express.
Uellsiani u kthye nga dëmtimi pas plot 63 ditëve në ndeshjen kthyese të Real Madridit kundër Fuenlabrada këtë mes javë, në kuadër të Kupës së Mbretit. Kthimi i tij ngjalli optimizëm: Bale luajti 28 minuta dhe ishte kyç në kalimin e Real Madridit në rrethin tjetër të kupës, duke dhuruar një asist dhe duke u përfshirë në një gol tjetër.
Por, ai e mbaroi ndeshjen me një shqetësim dhe do të mungojë në fundjavë ndaj Athleticos.
E Zidane nuk e di se kur do t’i rikthehet uellsiani. (b.an)
