Zinedine Zidane ka lënë jashtë ekipit Cristiano Ronaldon dhe Karim Benzeman për ndeshjen që Real Madridi e zhvillon nesër kundër Sporting Gijonit, transmeton Koha.net.
Los Blancos janë shokuar me lëndimin e Gareth Bale dhe të shtunën pasdite do të përballen edhe me mungesat e Ronaldos e Benzemas, të cilët do të jenë më të freskët për ndeshjen e kthimit ndaj Bayern Munichut në Ligën e Kampionëve.
Përveç dyshes sulmuese, trajneri francez do ta pushojë edhe portierin Keylor Navas. Në vend të tij do të luajë Kiko Casilla. (b.an)
