Ish-trajneri i Real Madridit, Zinedine Zidane, po e pret një ofertë nga Manchester Unitedi për të zëvendësuar Jose Mourinhon në Old Trafford, nga qershori, pasi portugezi u largua të martën.
Që nga largimi në fund të majit, Zidane është përfolur se kthimin do ta bëjë në sezonin 2019-20.
Në anën tjetër, Unitedi tashmë ka zyrtarizuar Ole Gunnar Solskjaerin si trajner deri në fund të sezonit aktual.Zidane, sipas “AS”, ka dy ambicie, të udhëheqë Juventusin dhe kombëtaren franceze, por të dyja aktualisht janë të zëna me trajnerë që po shijojnë sukses.
Si rrjedhojë, Zidane është i interesuar të kalojë në Premier Ligë, teksa mbetet ndër emrat më të përfolur për pozitën e zbrazët tek Unitedi, përgatiti Express. (b.an)
