Zinedine Zidane nuk është i shqetësuar pas humbjes shokuese në “Santiago Bernabeu” nga Real Betis. Real Betis e ka befasuar Real Madridin duke e mposhtur në “Santiago Bernabeu” me rezultat 0:1.
Zinedine Zidane ka thënë pas ndeshjes se fati nuk është me skuadrën e Los Blancos, e cila e ka nisur shumë keq sezonin e ri. “Kishim 25-26 raste për gol. Por, është e thjeshtë, topi nuk dëshiron të hyjë në portën kundërshtare”, ka deklaruar ai.
“Nuk mendoj se situata është delikate. Kemi humbur pikë, por ka edhe shumë ndeshje të mbetura. Të gjithë punën që kemi bërë nuk do të hedhen në plehra për shkak të tre lojërave të këqija në shtëpi”, ka theksuar ai, përgatiti “Express”. (b.an)
