Juventusi dhe Real Madridi do të kërkojnë sot të shkruajnë histori, kur të takohen në finale të Ligës së Kampionëve.
Juve kërkon të kompletojë tripletën për herë të parë në histori të klubit, derisa Real Madridi dëshiron ta fitojë Ligën e Kampionëve dy herë me radhë, diçka që nuk e ka bërë asnjë klub.
Arma kryesore e Real Madridit për t’i drejtuar Los Blancos drejt triumfit të dytë me radhë, është sulmuesi, Cristiano Ronaldo.Këtë e di shumë mirë edhe Zidane, që ka lavdëruar portugezin në konferencën për media, ngjashëm siç bëri portieri i Juves, Gigi Buffon.
“Buffon tha se Ronalo është shembull për të gjithë? Është e vërtet, ai është njeri shumë i mirë, brengoset gjithmonë për të tjerët. Ajo çfarë më impresionon më së shumti është profesionalizmi i tij”, u përgjigj Zidane.
“Ai gjithmonë dëshiron më shumë nga vetja. Gjithmonë dëshiron të fitojë, edhe kur luan në stërvitje ai dëshiron të fitojë.
Ronaldo është fitues i lindur”, theksoi mes tjerash Zidane.Juventusi dhe Real Madridi përballen sot në “Millenium Stadium” në Cardiff nga ora 20:45, përgatiti ”Express”. (b.an)
