Kjo javë ka qenë e jashtëzakonshme për sulmuesin e Real Madridit, Cristiano Ronaldon, gjë që e ka shtyrë trajnerin Zinedine Zidane të thotë per gazetaret se kishte paralajmëruar që duhet pasur kujdes me portugezin.
Pasi theu një rekord në Ligë të Kampionëve pas golit në fitore ndaj Borussia Dortmundit të mërkurën mbrëma duke bë lojtari i vetëm që shënon në të gjitha gjashtë ndeshjet e fazës grupore, Ronaldo fitoi Topin e Artë për herë të pestë në karrierë, duke u barazuar me rivalin e tij, Lionel Messi.Për më tepër, portugezi i shënoi dy gola kundër Sevillës në La Ligën spanjolle, transmeton Express. Ndaj trajneri i tij, Zinedine Zidane, ka thënë në një konferencë për media pas fitores 5-0 të Realit se kishte paralajmëruar se duhet pasur kujdes me Ronaldon.
“Pata thënë tashmë [duhet të keni kujdes me të]. Nuk e thashë pa ndonjë arsyeje, por sepse e njoh atë dhe ia njoh ambiciet çdo ditë në stërvitje. Ai e di që do të shënojë. Nganjëherë nuk shënon dhe askush nuk është i lumtur, por gjithmonë duhet pasur kujdes me të”, ka thënë Zidane, shkruan Marca. (b.an)
