Zinedine Zidane i është kundërpërgjigjur James Rodriguezit pas deklaratave të këtij të fundit se nuk luan.
Mesfushori i Los Blancos, James Rodriguez, gjatë qëndrimit të tij me Kombëtares e Kolumbisë, deklaroi për mediat kolumbiane se: “Nëse gjërat po shkojnë mirë me Kolumbinë është për shkak se po luaj”, duke ngacmuar paksa Zidanen, në formacionin e të cilit nuk po gjen shumë hapësira.
Pas kësaj deklarate, ka reaguar Zidane, i cili ka thënë se pajtohet me mendimin e lojtarit, por që detyra e tij është të hedhë në fushë ata që janë të përgatitur më së miri.
“Ajo se çfarë tha ai është e qartë. James është i lumtur këtu. Ai është i lumtur dhe i përkushtuar. Është vështirë kur dikush ju thotë se nuk do të luani, për faktin se gjithmonë doni që të luani”, ka thënë Zidane.
“Sidoqoftë, James ka mbështetjen e të gjithëve. Gjëja e vështirë është se unë duhet të marrë vendime dhe e bëjë këtë në bazë të asaj që shoh për të mirën e ekipit”, shtoi trajneri francez, citohet nga “Express”.
