Massimiliano Allegri është objektivi numër 1 i Realit të Madridit për stolin.
Sipas asaj që raporton gazetari spanjoll i “El Chiringuito Tv”, Eduardo Inda, numri 1 i klubit madrilen po monitoron situatën e teknikut italian në stolin e Juventusit dhe në fundin e sezonit aktual pritet të përpilojë ofertën për të. Sipas raportit, Florentino Perez beson se trajneri i Tottenhamit, Mauricio Pochettino është i paarritshëm dhe është i vendosur të marrë Allegrin në “Bernabeu” në verë.
“Allegri kryeson listën e dëshirave të Florentino Perez. Ai do i bëj një ofertë italianit në merkaton e verës.”-ka deklaruar Inda.
Verën e kaluar, tekniku italian zbuloi se ai hodhi poshtë një ofertë të Realit të Madridit, kur Zinedine Zidane dha dorëheqjen. Gjithashtu, Allegri është i lidhur dhe me stolin e Manchester United, ndërkohë që kontrata e tij me bardhezinjtë skadon në vitin 2020.
Nëse Allegri do të firmos në Spanjë, në stolin e Juventusit do të ulet Zidane.
a.cupaj
