Trajneri i Real Madridit, Zinedine Zidane i ka dhënë përkrahje Keylor Navasit në kohën kur po raportohet se “Los Blancos” janë në kërkim të një portieri të ri.
Portieri i Manchester Unitedit, David de Gea, verën e vitit 2015 ishte shumë afër të kalonte në Real, me Navasin që shkonte në drejtim të Manchesterit, por ky transferim dështoi në sekondat e fundit të afatit kalimtar.
Zidane thuhet se është kundër transferimit të De Geas, derisa i ka dhënë përkrahje Navasit.“Ai është në formë të mirë.
Kam 24 lojtarë dhe nuk mendoj për të ardhmen. Jam i fokusuar me lojtarët që kam në garat që jemi të përfshirë”, ka thënë Zidane, citohet Express. (b.an)
