Nga Afrim Krasniqi
Nuk na duhen shifra dhe retorike, le te shohim nje aspekt tjeter me konkret, – çmimet e dhena gjate kesaj periudhe, cmimet vjetore dhe vleresuese ne disa kategori. Nje grupim qe quhet “exelence” i dha cmim suksesi nje ministri qe nuk ka me shume se 90 dite ne detyre! Argumenti, – ka risi ne program e strategji, – dy gjera, te cilat mungojne edhe ne faqen zyrtare te vete ministrit! Ne kulmin e krizes se besimit midis biznesit dhe qeverise, dhoma e biznesit i dha cmim dhe nderoi as me pak dhe as me shume sesa numrin dy te qeverise, zv/kryeministrin! Ka mbeshtetur biznesin, – u tha, nje kompetence qe personi ne fjale as nuk e ka pasur dhe as nuk e ka!
Nga ministrat, edhe dy te tjere moren cmime, – sigurisht nga organizata qe financohen prej buxhetit te institucionit qe ata vete drejtojne, ose nga institucione te varesise! Ne kulmin e krizes ne shendetesi dhe ne ekonomi, dy ministra, perkatesisht ai i shendetesise dhe i industrise/energjitikes ia dolen qe personalisht te fitojne cmime: i pari nga OBSH, per meriten e suksesit ne ndalimin e duhanit, – i dyti nga nje akademi ne Itali me argumentin e kontributit te jashtezakonshem ne fushen politike dhe ekonomike! Cmimi per suksesin ne menaxhim ju dha dy zyrtareve, te cilet gjate 2015 shenuan shifra rekord “suksesi”!. Njera, per here te pare ne historine 100 vjecare te shtetit mbylli institucionin e vetem shteteror mjekesor dhe nxorri te semuret nga spitali sepse … nuk kishte uje!
Tjetri, mbetet rekord per faktin e vetem se permes padive ndaj qytetareve te varfer qe nuk kishin mundesi te paguanin energjine, ia arriti te dergoje ne burg 574 qytetare, dhe se vdekja e gruas ne vetmi e pa drita perben kulmin simbolik te suksesit te tij! Ne kulture dhe art cmimi per artin e “vrimes” eshte konsumuar saqe nuk ka me nevoje per koment! Edhe ne muzike lajm kryesor i cmimeve u be rrahja midis kengetareve ne ceremonine e cmimeve. Nje tjeter cmim iu dha nje shkrimtari me motivin e suksesit artistik vetem 48 ore pasi ai kishte publikuar librin, 24 ore pasi ishte shperndare ne kioskat – librari te qyteteve kryesore! Nje poet fitoi cmim per nje liber, te cilin sic thote vete, e kishte shkruar rreth 17 vjet me pare, dhe se organizata te mediave fituan ca cmime dhe dhane ca te tjera edhe ne njesi njesi vendore, ku ose nuk ka media ose ku gazetaret nuk marrin rrogat prej muajsh! Ne ceshtje arkitekture cmime dhe tendera i fitoi e njejta kompani, – madje perpara se te behej konkursi…
Ne ceshtje bletesh te arta, ne listen fituese rezultoi edhe nje kompani, e cila jo shume kohe me pare ishte nder firmat me te akuzuara per evazion fiskal dhe qe gjysmen e kohes kalon ne procese ende te hapura gjykate dhe gjysmen ne aktivitetin prodhues. Cmim per uljen e tarifave telefonike (qe ende nuk jane ulur) e mori AKEP, institucioni pergjegjes per mosuljen e tyre, kreu i FSHF u zgjodh qytetar nderi ne Vlore dhe ca qytete te tjera, kombetarja mori qytetarine e nderit edhe ne Kamez…!
Ka plot te tjera, qe e bejne edhe me grotesk raportin tone me vlerat qe refuzohen dhe antivlerat qe nderohen, sesi piramida ngrihet mbi mitet dhe simbolet negative, jo per vlerat dhe modelet pozitive, sesi rendim te nderojme ata qe na sundojne, pushtetet e radhes – gjithesesi jemi te ngushelluar nga fakti se te huajt, – jo ne, por te huajt, – kane nderuar kete vit Ismail Kadarene, Fatos Lubonjen, Nene Terezen, dhe nje numer artistesh e sportistesh qe kryesisht jetojne e punojne jashte shtetit!
