I dyshuari kryesor lidhur me zhdukjen e Madeleine McCann zbuloi se shiste drogë 150 metra larg vendpushimit ku u zhduk vogëlushja.
Duke folur për herë të parë rreth lëvizjeve të tij atë natë, Christian Brinker tha se ai po shiste drogë në një plazh pranë vendpushimit Praia da Luz në Algarve të Portugalisë, ku familja e Madeleine po qëndronte natën kur ajo u zhduk. Ai mohon çdo lidhje me rastin e 3-vjeçares.
Policia gjermane e kishte emëruar atë si të dyshuarin kryesor në rrëmbimin dhe vrasjen e Madeleine, e cila u zhduk në vitin 2007 ndërsa prindërit e saj, Kate dhe Gerry McCann, po darkonin 100 metra larg.
Në një intervistë me gazetën Mail on Sunday, ai përshkroi se si policia e ndaloi atë me një furgon plot me drogë ndërsa përpiqej të arratisej nga Praia da Luz natën kur fëmija u zhduk.
“Isha në plazh, jo shumë larg hotelit të saj, duke shitur drogë”, pohoi ai.
“Kisha qenë në Spanjë dhe kisha futur kanabis kontrabandë në Portugali. Madje më ndaloi policia tre herë në rrugë, ndërsa po kërkonin Mandyn. Për fat të mirë, nuk e gjetën drogën. Furgoni im ishte plot me të”, shtoi ai.
Brinkner tha gjithashtu se kishte refuzuar të komentonte mbi lidhjen e tij të dyshuar me zhdukjen e Madeleine sepse sipas tij policia dëshironte ta fajësonte për rastin.
Ai vetë i kishte deklaruar Ministrisë së Arsimit: “Unë nuk kam të bëj fare me zhdukjen e vajzës. Do të isha i lumtur nëse ajo do të shfaqej nesër, atëherë të gjithë do ta kuptonin menjëherë se gjithçka kundër meje është e sajuar.”
