Kryeministri i Norvegjisë Jonas Gahr Støre njoftoi sot se katër ushtarë amerikanë kanë vdekur në një aksident avioni.
“Me pikëllim të madh morëm mesazhin se katër ushtarë amerikanë vdiqën në një aksident ajror mbrëmë”, tha ai në llogarinë e tij zyrtare në Twitter.
“Ushtarët morën pjesë në stërvitjen e NATO-s ‘Përgjigjja e Ftohtë’. Ngushëllimet tona më të thella shkojnë për familjet e ushtarëve, të afërmit dhe bashkëluftëtarët në njësinë e tyre,” shtoi ai.
Avioni ushtarak amerikan u rrëzua në Norvegjinë veriore të premten me katër persona në bord gjatë stërvitjeve të NATO-s.
Avioni MV-22B Osprey, i caktuar për njësinë ushtarake të Forcave të Ekspeditës Detare II (MEF), ishte në një mision stërvitor në kontenë Nordland, Norvegjia veriore, të premten, thanë Forcat e Armatosura Norvegjeze.
Një hetim për shkakun e rrëzimit u ndërpre për shkak të motit të keq, por do të vazhdojë pasi të përmirësohen kushtet.
Rreth 30,000 trupa nga 27 vende janë të përfshirë në Reagimin e Ftohtë, një stërvitje e krijuar për të përgatitur vendet anëtare të NATO-s për mbrojtjen e Norvegjisë./m.j
